АВРАЛЫН АСУУДАЛ БУЮУ ӨСӨЛТИЙН ХЯЗГААР

www.superunified.org

Танай судлаач цэргээс халагдаж, өнгөтийн уурхайд нэвтрэгч байгаад нийслэлд ирж нэгэн төв байгууллагын ажил албанд орсны дараа жил энэ ном хэвлэгдсэн бөгөөд дэлхийн хэвлэл, мэдээллийн хэрэгслээр жинхэнэ шуугиан тарьсан билээ.

Энэ бол “Өсөлтийн хязгаар” хэмээхүй. 1968 онд 10 орны 30 хүн Ромын Accademica dei Lincei буюу Шилүүс нүдтэний академид Италийн хөрөнгөтөн доктор Аурелио Печчеи хэмээгчийн санаачилгаар хуран цугласнаар Ромын Клуб бий болж, хүн төрөлхтөний өнөө, ирээдүйн хувь тавилангийн асуудлыг судлан хэлэлцэж эхэлжээ. Судлан хэлэлцсэний үр дүн энэ ном. (Италийн шинжлэх ухааны академи нь бүр Галилеин үеэс тийм нэртэй бөгөөд судлаачид шилүүс лүгээ хурц хараатай байх ёстойг бэлгэдсэн хэрэг). Энэ номын сэдвээрхи утга зохиол гэвэл уул овоо мэт. Социализм энэ сэдвийг сөрөг сурталчилгаанд хэрэглэхийг ихэд хичээсэн. Юув гэвэл, соёл иргэншилд өсөлтийн хязгаар буй нь төдийлэн аюултай биш, харин капитализм байгаа учраас өсөлтийн хязгаарыг даваад сүйрэлд орох нь аюул гэж байв. Үнэндээ Баруунд ч социализм аврал байх биш биз гэсэн бодол санаа харьцангуй нилээд хүчтэй байсан үе бий.

Continue reading →

МОНГОЛЫН МЕТАФИЗИК СУРГААЛЫГ ОЙЛГОХ БА ОРЧУУЛАХУЙ

МӨНХ ТЭНГЭРИЙН ХҮЧИН ДОР ИХ СУУ ЗАЛИЙН ИВЭЭЛ ДОР.

www.superunified.org

Монгол угсаатны Үндсэн хууль бол энэхүү хоёр мөрт тунхаг. Сэргэн мандлын сайн цаг ирэхээр Монгол Улсын Үндэсн хуулийн 1-р бүлгийн 1-р зүйл ийм байх болно. Тэрт цаг тун холгүй. Тэнгэр тодорхой хүмүүсээ дээш нь дэвшүүлж, түүхээ тааллаараа бүтээх байх. Энэ тухайд Монгол гэж хоосон газар сэтгэгсэд алдас хийхээс болгоомжилбол зохино.Эн түрүүнд монголчууд та бид өөрсдөө энэ хоёр мөрийнхөө утга агуулгыг яв цав тов тодорхой ойлгосон байх шаардлагатай.Мөнх Тэнгэр нь орчломн ертөнц, сансар хорвоо. Энэ бол хүчний үйлчлэл бүхий физик оршихуй. Их суу заль нь тэрхүү физик оршихуйг бүтээж буй түгээмэл дээд оюун ухаан.Ер байгалийн шинжлэлийн ухаанд эцсийн ганцхан асуудал хэзээнээс байв.энэ нь орчлон ертөнцийг үүсгэж хувьсган бүтээсэн тийм Дээд оюун санаа цаана нь байна уу, эсвэл сансар хорвоо нь цэвэр тохиолдлын, олон хувилбартай ч байж болох узэгдэл юмуу гэж. Их Ньютоны үзлээр бол тийм Supreme Intelligence оршин баймаар бөгөөд өнөөгийн дийлэнх олонхи физикчид ч энэ үзлийг баримтална.Чухамхүү энэ учираас физикийн Superunification Theory -н асуудал зарчмын хувьд математик шийдтэйд итгэл алдарсангүй иржээ.Ийнхүү тэрхүү нэгдсэн онол одоо буй, түүний зарим үндэслэл, шинж чанарын зүйлтэй бид энэ номоор цухас танилцаж болохуйц.Суу нь Билиг, Заль нь Арга. Суу нь стратегийн, үндэслэлийн түвшиний, Заль нь тактикийн, шийдийн түвшиний сэтгэлгээг хэлж байна. Энэхүү хомсдол нь Supreme Intelligence. Энэхүү дээд оюн ухааныг математик хэлээр цагаан дээр хараар буулгая гэвээс Superunification theory болно.Ийм дэс дараалал, томъёоллоор Монголын язгуур үндэсний метафизик буюу физикийн чанадад нэвтэрсэн сургаалыг ухаж ойлгохтун. Үүнээс илүү шинжлэхүхаан, филисофи, үзэл суртал, шашин сүсэг, улс төр хэзээ ч байгаагүй, энэ мөрүүдийг нэг нь бичиж, нөгөө нь уншиж буй мөчөөс хойш бур ч байхгүй ээ. Монгол хэмээх сүр сүлд бухий нэрийг сүнс сахиусаа болгон зүүж явах хүсэлтэй нэгнүүд байваас дээрхийг эхлээд өөрсдөө ойлго, дараа нь бусдад зөв зуйтэй орчуулгаар хүргэ.Энэхүү даяар тунхаглалын 2-р шадыг ер зөв ойлгож, зүйтэй орчуулсан нь дэлхийн утга зохиолд харагдахгүй байна. Зөв нь Supreme Intelligence, Высший Разум гэх мэт байх нь байна шүү дээ. Эзэнт гүрэн Их Монгол Улсын үед хууль цаазын зүйлс, улс төрийн баримт бичгүүдийн эх бичиг нь монголоор зохиогдож, дараа нь харъяат түмнүүдийн олон хэлээр орчуулагдах журамтай байжээ. Аливаа зарлиг сэлтийг дээрхи Тэнгэрийн тунхагаар толгойлох ба түүнийг, жишээ нь хятадаар хөрвүүлсэн нь 2-р шадын орчуулга учир дутагдалтай байна. Их хаад, Монгол ноёд мэдэж байсан боловч эднүүсийн хэр нь тэр юм гээд орхидог байсан бололтой. Тэнгэрийн даяар тунхаглалыг хятадаар яв цав зөв зүйтэй буулгахыг өнөө цагийн тэргүүн синологич, муугүй Монголч торгууд ястан Ц.Сүрэнжавт хувийн зүгээс итгэн найдаж даалгасу, би.

Continue reading →

Акад. Б.Ширэндэвийн мэндэлсний 100 жилийн ойд

2012 ОНЫ 4-Р САРЫН 01, НЯМ ГАРИГ, 04:45

www.superunified.org

Бэсүд Ч. Эрдэнэ /сэтгүүлч/

Сэтгүүлчийн дурсамж

Акад. Б.Ширэндэвийн мэндэлсний 100 жилийн ой тэмдэглэх тухай Монгол Улсын Засгийн газрын тогтоол гарч, ойн арга хэмжээнд зориулан 186 200 000 төгрөг төсөвт тусгахаар заажээ. Хүн нь томын тухайд маргаангүй. Монголын социалист төрийн хамгийн үр дүнтэй зүтгэлтэн, шилдэг зохион байгуулагчийн нэг. Түүний ойг тэмдэглэн өнгөрүүлэх хөрөнгө мөнгө нь ч их юм.

Хуучин үед Мэдээлэл, радио, телевизийн Улсын хороо гэж байх. Мэдээлэл нь МОНЦАМЭ агентлаг. Засгийн газрын официоз статустайгаараа онцлог эрх үүрэг бүхий байгууллага байлаа. Миний бие МРТУХ-нд ажилд ороход С.Жалан-Аажав дарга: “Геологи, уул уурхайгаас ирсэн чи ууж иддэг адуу шиг амьтан биш биз” гэсэн билээ. Түүнээс өмнө намайг цэрэгт татагдахад Улиастайн Мянган цэргийн карантины дарга хав хэмээх дэслэгч Чимид бас яг тэгэж хэлсэнсэн. Тухайн үедээ дургүй хүрч л байсан тохиолдлууд. Харин одоо бол сайн адуу болж төрөхөөс илүү хувь заяа үгүй гэж алдарт уяач нар хэвлэлээр зарласан нь оргүй биш байх. Зүгээр өнөөгийн нийгмийн ханшаар ярилаа гэхэд хээр зүсмийн нэг азрага 800 000 000 төгрөгийн үнэд хүрчээ. Мань мэтийн үнэ гэвэл хятадын пүүсээс зээлсэн 21000.

Continue reading →

Бэсүд Ч. Эрдэнэ: ҮНДЭСНИЙ СЭРГЭН МАНДЛЫН АСУУДАЛД

www.superunified.org

Хоёр хязгааргүй бий. Ертөнц нэг хязгааргүй. Хүний тэнэг нэг хязгааргүй, гэхдээ Ертөнц хязгааргүйд эргэлзэж болно.
А. Эйнштейн

Монголын хувьд Улс Төр хамгийн том эрсдэл болчихоод байна... Төр Монголын нөхцөлд аюул болох тал руугаа хэлбийж байна.
Ц. Элбэгдорж

Төр засаг гэж гай л болохгүй бол их юм болсон.
Н. Жанцанноров

Continue reading →

ЦӨМИЙН АСУУДАЛ БА МОНГОЛ УЛС

www.superunified.org

Бэсүд Ч.Эрдэнэ
Английн хойгуур Атлантын далайн эрэг дээр Селлафилд гэх жижигхэн хот бий. Тэнд цөмийн түлшний үйлдвэр British Nuclear Fuels PLC байх ба миний бие 1990 оны хавар очиж үзсэн нь хуучин социалист орнуудаас биш юм гэхэд лав Монголоос анхны, одоогоор ганцхан ч байж магад тохиолдол байх. Тийшээ орохын тулд Британий виз авах хэрийн ажил явдал болсон нь мэдээж.
Үйлдвэрээс надад Sellafield гэсэн бичигтэй малгай бэлэглэснийг би үргэлж өмсөх ба энэ нь англичуудын дургүйцлийг ихэд төрүүлнэ. Учир нь тус үйлдвэрийн эсрэг олон нийтийн тэмцэл орон даяар нь өрнөсөн үе байлаа. Өнөө ч үе үе хүчээ авдаг тэмцэл. Гэлээ гээд Селлафилд нь цөмийн түлш боловсруулах Барууны хоёр гол үйлдвэрийн нэг тул яах билээ. Япон ч тэндээс цөмийн түлшээ авдаг. Хоёрт гэвэл, мөн тэнд энхийн зориулалтаар дэлхийд анх барьсан цөмийн реактор Calder Hall байх тул цөмийн энергийн түүхэн төв нь Селлафилд болох учрыг зургаас үзмү.
Монголд АЦС байгуулах нөхцөл боломжийн тухайд академич Н. Содном амьдралынхаа сүүлийн жилүүдэд хэвлэлээр нэг бус удаа дуугарсан. Монголд болон ер социалист орнуудад орчин үеийн физикийн шинжлэх ухаан хөгжүүлэх үйлсэд нөр их хүчин чармайлт талбисан хүн л дээ. Гэтэл ардчилсан тогтолцооны эхэн үед өвгөн академичаар МУИС-ийн Цөмийн физикийн лабораторийн шал угаалгах гэж шахаад үйлийг нь үзсэн гэдэг.

Continue reading →

Дээр Тэнгэрээс Заяат Төрсөн Монголчуудаа!

Эх болсон Дэлхий

Ээжий болсон Байгаль тань үгүй бол

Эх Орон тань үгүй!

Эх Орон тань үгүй бол

Ээж аав тань үгүй!

Ээж аав тань үгүй бол

Та бид үгүй!

Та бид үгүй бол

Үр хойчис маань үгүй!

ЭХ БОЛСОН ДЭЛХИЙ, ЭЭЖИЙ БОЛСОН БАЙГАЛИА

ЭХ ОРОН , ЭЭЖ ААВЫГАА, ҮР ХОЙЧИСОО

ХАЙРЛАЦГААЯ!

ЭНЭРЦГЭЭЕ!

ХАРАМЛАЦГААЯ!

ХАМГААЛЦГААЯ!



www.superunified.org

Улаанбаатар Хот 2012.03.21

Continue reading →

Бэсүд Ч. Эрдэни: Дэлхийн түүхийг судлаад байхаар Монгол руу л төвлөрдөг

www.superunified.org
Судлаач Ч.Эрдэнийн цуврал ярилцлага - 7

-Шамбалын орон гэж байдаг уу? Таны номыг уншиж байхад байдаг юм шиг бичсэн байсан?

-Энэ номын эцэст өнгөт зурагтай нэг хэсэг бий. Шамбалын орон гэж домог үзэл бас аль ч соёлд байна. Буддын соёлд Шамбал нэрээрээ байдаг. Христийн соёлд ч, Исламын соёлд ч бий. Тийм нэг аврал эрэх ёстой газар. Дашрамд хэлэхэд жүүд, монгол хоёрын ялаатай тал нь еврейчүүд чинь өглөө болгон месия гэж аврал ирэхийг хүлээж залбирна. Еврейн судард өглөө бүр шинэ аврал ирэх ёстой. Тэр цагт энэ дэлхийн бүх байдал сайхан болно гэсэн номлол байдаг. Буддын соёлд аврал ирэх ёстой газар нь Шамбалын орон. Шамбалын орон хаана байдаг юм бэ гээд хайгаад явдаг. Дорно дахинд нэг их хайдаггүй. Дорно дахинд Шамбалын орон байдаг гээд бодолтой байдаг учраас тайвшраад байдаг.
Адольф Гитлер шууд Төвд рүү шамбалын орныг хайх хэдэн экспедиц явууллаа шүү дээ. Шамбалын орон хаана байна вэ гэдэг сонин асуудал. Утга зохиолд удаа дараа энд тэнд бие биенээсээ хамааралгүйгээр заасан нь Энэтхэгээс, Төвдөөс хойгуур гэж заасан байдаг. Төвдөөс хойгуур юм бол хаана байна. Тэгэхээр чинь Монгол руу ороод ирнэ.

Continue reading →

Бэсүд Ч. Эрдэни: Монгол соёл түгсэн дэлхий ертөнц ойрхон байж болохыг үгүйсгэх аргагүй

www.superunified.org
Судлаач Ч.Эрдэнийн цуврал ярилцлага - 6

-Та түрүүн дээр байгаа нөхдүүд гэж хэд хэдэн удаа ярилаа. Дээр байгаа нөхдүүд гэж хэнийг хэлээд байна вэ?

- Хүн гээч амьтан чинь эхлээд өөрийнхөө сайнд юм хийгээд байна гэж боддог. Амбийцтай юм болохоор. Хэдэн жилийн дараа хаанаас юу яваад ямар нэгэн далд хүч надаар юм хийлгээд байна уу гэдгийг мэдэрдэг. Нийгэм үндсэндээ дэвшил хөгжилгүй, зогсонги, бууралтын байдалтай үед миний итгэл алдарч энэ олон жил хэрэгтэй ч юм хийгээд байна уу даа, үгүй юу гэж бодогдоно биз. Цалин мөнгөгүй, идэх уухаас эхлээд хүний хэрэгцээ дутаад ирэхээр сэтгэл, санаа тавгүйтэх үе ирнэ биз. Би зүгээр ердийн чаддаг юмаа хийгээд явахад гэр бүлээ өлхөн тэжээгээд явах байтугай мөнгийг олж чадах хүн. Үгүй ядаж барууныхны лобби болоод бичих юм бол Баабараас хэд дахин илүү хийчихнэ. Яагаад гэвэл энэ Монгол Улсын чинь гадаад сурталчилгааг хуучин, шинэ системийн үед насаараа хийсэн хүн шүү дээ би.

Continue reading →

Ч.Эрдэнэ: Ядуу улсад хамгийн ашигтай бизнес улс төр

www.superunified.org
-Бусад нь буруу замаар яваад байна гэж үү?

-Нөгөөдүүл чинь шууд сөрөг талаас дарах өөрийн явцуу ашиг сонирхлыг бодоод байдаг. Ядуу улсын нэг аюул бол байгалийн хууль байдаг. Ядуу улсад хамгийн ашигтай бизнес улс төр. Реалполитикийн үндсэн теором бол энэ. Одоо тэгээд хар л даа. УИХ-д сууна гэдэг ерөөсөө л бизнес шүү дээ. Өөрийнхөө компанид тендерээр юм авах. Төсвөөс мөнгө хуваарилуулах. Баян улсад бол парламентад орно гэдэг лайны ажил. Улс орны төлөө хариуцлага хүлээгээд баахан хуралдаад. Хэн хүнд ойлгомжтой. Надад бас таньдаг шударга бизнесмэн байдаг.
Тэд нар ярьж л байдаг юм. Өөрөө очоод УИХ-д суудаггүй юмаа гэхэд тэнд компанийнх нь нэг лобби суух хэрэгтэй. Эдийн засгийн хууль үндсэн теором нь ийм юм даа. Их хуралдаа очиж л гол бизнесээ хийх ёстой. Эндээс яаж гарах вэ гэхээр эдийн засаг нь баяжих, эдийн засгийн өсөлт, эргэлт бий болох хэрэгтэй. Тэгтэл өнөөгийн стратегийн судалгааны эцсийн дүгнэлтийн аюул нь юу вэ гэхээр өнөө хоцрогдоод ядуурсан улс үсрэнгүй хөгжих ердийн арга зам байхгүй.

Continue reading →

Бэсүд Ч. Эрдэни: Том бодол тухайн үндэстнийг дайчилдаг, авардаг

www.superunified.org
“Их гурвалжин”, “Супер нэгдлийн онолын үндэс” бүтээлээрээ олны танил болсон сэтгүүлч, судлаач Ч.Эрдэнэ саяхан “Бид ялав” номоо уншигчдын гар дээр хүргэлээ. “МОНЦАМЭ мэдээ” сонины сэтгүүлч, уран бүтээлчид түүнтэй уулзаж шинэ ном, судалгаа шинжилгээний ажлынх нь талаар сонирхсон асуултдаа хариулт авсан юм.

-Жорж Сорос гэж дэлхийд алдартай мундаг санхүүч байдаг. Тэр хүн Хятадын эдийн засгийг унагах гэж том операци зохион байгуулсан чинь Зүүн Өмнөд Азийн эдийн засгийн хямрал болоод Хятад нь зүгээр үлдсэн гэж?

-“Сионын протокол” гэж том ном саяхан орчуулагдсан гэж дуулсан. ХХ зууны эхнээс яригдаад явдаг “Сионын мэргэдийн протокол” гэж оросоор гарсан ном. Тэр номд юу гэсэн байдаг вэ гэхээр жүүдүүдийн дэлхийг ноёлох стратегийг тодорхойлсон байдаг. Жүүдүүдийн үзлийг сионизм гэдэг шүү дээ.Сионизмийн дээд толгой нууцлаг хэдэн нөхдүүд хуралдаж, чуулаад дэлхийг жүүдүүд эзлэх, ноёлох стратегийг боловсруулаад шууд хэлчихсэн номыг “Сионын протокол” гээд байгаа юм.

Continue reading →

ҮНЭН ҮГ, ҮЛГЭР ХОЁРЫГ ЯЛАНГУЯА СЭТГҮҮЛЧИД ЯЛГАЖ САЛГАЖ ОЙЛГОХ ХЭРЭГТЭЙ

Огноо: 2012-02-15 10:59:26
www.superunified.org
“Их гурвалжин”, “Супер нэгдлийн онолын үндэс” бүтээлээрээ олны танил болсон сэтгүүлч, судлаач Ч.Эрдэнэ саяхан “Бид ялав” номоо уншигчдын гар дээр хүргэлээ. “МОНЦАМЭ мэдээ” сонины сэтгүүлч, уран бүтээлчид түүнтэй уулзаж шинэ ном, судалгаа шинжилгээний ажлынх нь талаар сонирхсон асуултдаа хариулт авсан юм.

-Бүх юмны нууц тоонд байдаг гэж. Пифагорын томьёо, онол гээд л байна. Үүнийг хөөцөлдөөд “Да Винчийн код” ч гэж кино байдаг. Бүх юмны нууцыг тайлсан томьёо нээчих юм бол ертөнц сөнөх ч юмуу, амьдрал утгагүй болчих юм биш үү?

-Энд бол туйлын мэдлэг гэсэн нэр томьёон дээр их тулах ёстой. Би бурхан биш, би судлаач. Би судлаад энэ онолыг хийчихээд дэлхий сөнөх тавилантай байдаг юм бол сөнөнө л биз. Надад ямар хамаатай юм бэ. Шинжлэх ухааны ёс чинь энэ шүү дээ. Хүн төрөлхтөн байгаад түүний танин мэдэхүйн үйл явц гарцаагүй байна шүү дээ. Ухаантай амьтан учраас танин мэдэхийг хүссэн хүсээгүй сониучирхаад явна. Танин мэдэхүйн зам мөр гэж байна.

Continue reading →

Дэлхийн шинжлэх ухаан технологийн төвийг Хархоринд үүсгэчих байхгүй юу?

www.superunified.org

“Их гурвалжин”, “Супер нэгдлийн онолын үндэс” бүтээлээрээ олны танил болсон сэтгүүлч, судлаач Ч.Эрдэнэ саяхан “Бид ялав” номоо уншигчдын гар дээр хүргэлээ.

“МОНЦАМЭ мэдээ” сонины сэтгүүлч, уран бүтээлчид түүнтэй уулзаж шинэ ном, судалгаа шинжилгээний ажлынх нь талаар сонирхсон асуултдаа хариулт авсан юм. Ч.Эрдэнэ тус агентлагт сэтгүүлч, сурвалжлагчаас эхлээд ерөнхий захирал хүртэл бүхий л албан тушаалыг хашсан байдаг. Түүний “Бид ялав” ном нь мянга гаруй хуудастай 20-иод жилийнх нь нөр их хөдөлмөр шингэсэн. “Их гурвалжин”, “Супер нэгдлийн онолын үндэс” бүтээлийнх нь үргэлжлэл аж.

Дэлхийн соёл иргэншлийн түүх Монгол төвтэй

-Миний номд хоёр томхон чиглэлийн судалгааны эцсийн үр дүн байгаа юм. Уншигч олон түмэндээ хялбаршуулж товчилж хүргэж байна. Эхний судалгаа нь Дэлхийн соёл иргэншлийн түүх «Монгол төвтэй» гэдгийг батлах тийм үзэл санааг дэвшүүлсэн. Нөгөө судалгаа нь “Байгалийн шинжлэлд, шинжлэх ухаанд түүний дотор физикт бүр нарийвчилбал онолын физикт шийдэгдээгүй үлдээд байгаа ганц асуудал бол “Супер нэгдлийн онолын үндэс” үүнийг шийдсэн. Сүүлийн 14, 15 жил яс сууж хийсэн ажил . Хоёулаа асар хүндрэлтэй, ноцтой асуудлууд. Түүнийг хэрэв шийдсэн бол асар том ололт амжилт байх юм.

Continue reading →