ШИНЖЛЭХ УХААН, БОЛОВСРОЛЫН САЙД
Л. ЭНХ-АМГАЛАН ТАНАА
судлаач Бэсүд Ч. Эрдэнэ, Монгол Улсын Соёлын элч
Дээр Тэнгэрээс хүчлэн түлхсэн түүхэн аугаа учир шалтгаанаар Танд бяцхан түвэг учруулахдаа хүлцэл гүнээ өчье.
Монгол Улсын иргэн Бэсүд Чулуунбатын Эрдэнэ миний бие шинжлэх ухаанд удтал хүлээгдэж байсан ШУ-ы эцсийн онол (Final theory)-ыг шинэ математик хэлбэр агуулгаар нь нээж, бүрэн боловсруулаад дараахи номоор (100 хувь) хэвлэн гаргав.
Түүнчлэн ШУ-ы эцсийн буюу супернэгдлийн онол миний
Вэбсайтаар дэлхийд түгээгдэж байна.
Чингээд энэ бол суурь онолын ухааны үнэмлэхүй математик нээлт мөн болохыг олон улсын ШУ-д хүлээн зөвшөөрөөд байна.
Энэхүү номын үнэ цэнийг жинхэнэ ёсоор таниулахын тулд олон улсын байдлын товч ерөнхий тойм хэлэх нь зүйтэй. Дэлхийн оюуны дээд түвшинд нийтлэг үзэж байгаагаар хүн төрөлхтөний соёл иргэншил оршихуйнхаа эцсийн, маш осолтой үе шатанд тулчихсан байж болзошгүй гэж байна. Энэ тухайд 1971 онд Ромын клуб хэмээх стратегийн судалгааны олон улсын байгууллагаас гаргасан “Өсөлтийн хязгаар” номоос хойш 50 жил тасралтгүй хэлэлцэж байна. Нэрт физикч Стивен Хокингийн хэлснээр, хүн төрөлхтөн 21-р зуунд даяар сүйрлээс тойрч гарахад асар хүндрэлтэй үе шатанд ороод байна. Жишээ нь, коронвирусын цар тахал үүний нэгхэн илрэл юм. Тиймээс мөнхүү Хокингийн хэлснээр, ШУ-ы эцсийн онолыг олж нээх нь “хүн төрөлхтөний туйлын зорилт” болжээ, учир нь дэлхийн соёл иргэншил ертөнцийн дэвсгэр дээр амьдарч үлдэх ганц гарц, найдвар нь үнэмлэхүй мэдлэгт хүрч, эзэмших явдал юм. Тэрхүү үнэмлэхүй мэдлэг нь ШУ-ы эцсийн манай онолд бүрнээ баталгаатай байгаа юм. Тиймээс Монгол Улс хүн төрөлхтөнд Авралын гарцыг нээж өгч байнаадаа. Ингэж ойлго. Их Ньютон 1687 онд “Principia Mathematica” номоороо үндэслэсэн онолын физик гэдэг суурь шинжлэх ухаан өдгөө миний дээрхи бүтээлээр өндөрлөж байна: Ирээдүй цагийн төлвийг урьдчилан тогтоох нь мөнөөх их Ньютоны онолын физикт үндэслэсэн заншил юм. Ньютоны тооцоогоор бол Христийн шашинд номлодог Эцсийн шүүх (Last judgment) 2060 онд ирэх юм гэнэ. Энэ он нь манай онолд ч гарч ирдэг нь учиргүй биш байх. Тийн учир Дээр Тэнгэр болгоож 2060 оны их сорилтод бэлтгэх, шалгуурыг даван гарах боломжийг хүн төрөлхтөнд илгээж буй нь ШУ-ы эцсийн онол юм. Улмаар Монгол маань Авралын од болж гялалзаж байна. Ингэж ойлго. Ойлгох сөгөөгүй байлаа ч зүгээр миний хэлснээр мэдээд ав. Үүний цаад дахь бүхий л нарийн ширийнийг миний “Чинад Нууцын Монгол Орон” номоос үзэж судалж болно.
Дэлхийн шинжлэх ухаан (ШУ) хөгжлийнхөө явцаар өнөөдрийн өндөрлөгт хүрснээр хараахан төгссөнгүй, харин шийдвэрлэвэл зохих цорын ганц суурь ерөнхий асуудал үлдсэн юм. Энэ нь утгазохиолд нийтлэг ойлгомжтой хэлж, бичиж заншсанаар, Final theory (Эцсийн онол), Theory of Everything (Буй бүхний онол)-ын асуудал юм. Чингээд молхи хүн, толхи ард миний Дээр Тэнгэрээс томилогдсон тал бичээчийн үүрэг зорилгоо биелүүллээ.
Одоо Монгол Улс Үндсэн хуулиар заагдсан үүргээ биелүүлмээр байна. Танай иргэний ШУ-ы нээлт ололт бол үндэсний баялаг мөн, тиймээс Төрийн хамгаалалтад авах ёстойг тов тодорхой заасан буй. Миний хувьд төр засгаа 20 жил эрж хайгаад өдий хүрлээ. “Баялгийн эзэн Монгол” гэсэн уриа өнөөдөр цууриатлааа. Тэгээд үндэсний эрхэм дээд баялаг ШУ-ы эцсийн онолоо анхааралдаа авбаас миний бие араа данхайтал даах юмсан.
Монгол Улс хүн төрөлхтөний өмнө байгуулж буй түүхэн аугаа гавъяаныхаа үр шимийг хүртэх эрхээ эдлэхээс татгалзах ёсгүй баймаар. Үүнд, нэгдүгээрт, олон улсын улстөрийн тавцанд байр сууриа бэхжүүлж, үндэсний рейтинг чинсаагаа 1-рт бичүүлэх үнэмлэхүй үндэслэлээ дэлхийн хамтын нийхэмлэгийн өмнө ил тод, ичиж айхгүйгээр талибах ёстой. Үүний тул НҮБ-ын индрээс зохих мэдээллийг зарлан тунхаглах хэрэгтэй. Энэ мэт ажил нь хялбархан. Зардал нь үсрээд хэдэн зуун доллараас хэтрэхгүй. Миний “Principia Mathematica” номыг
1. Британий номын сан,
2. АНУ-ын Конгрессын номын сан,
3. Кембрижийн Их сургуулийн номын сан,
4. АНУ-ын Колумбын их сургуулийн номын сан,
5. Royal Swedish Academy of sciences
зэрэг газарт албан ёсоор даруй хүргэж өгөх хэрэгтэй.
Ингэснээр ШУ дахь үндэсний анхдагч эрх хэмээх үндэсний баялагтаа Монгол эзэн суух үйл явц түргэснэ.
Хоёрдугаарт, хүн төрөлхтөний соёл иргэншлийн туйлын зорилтыг биелүүлснийхээ эдийн засгийн үр шимийг зүй ёсоор хүртэх эрхтэй ба хэрэгтэй болно.
Авралын гарцыг нээж олсон улс үндэстэн гадаад өр төлнө гэж юу байхав. Бүх гадаад өрийг цуцлахаа шууд зарлахад зүй ёсоор хүлээн авах үндэслэл хангалттай. Эцсийн онол бол Монгол Улсад хүчний байр сууринаас, гэхдээ зөөлөн хүчний байр сууринаас хандах түүхэн боломж олгож байгаа юм. Орчин үед ганцхан бодит үзэгдэл бий нь хүчний байр суурь. Ялигүй шуугиан үүснэ, гэхдээ тулалдаанд шууд ор, тэгээд харагдана гэсэн дүрэмтэй. Ойлгоно уу. Түүнчлэн Монгол Улс хөгжингүй орнуудаас хандив тусламж хүсэх, авах эрхийг манай ШУ-ы үнэмлэхүй ололт олгож байна.
Дээр дурдсан замаар нөгөө 8 их наядаа нөхөөд авчих бүрэн боломжтой. Улс орнууд ШУ-ы ажлуудаа дотооддоо уралдуулж шалгаруулдаг, урамшуулдаг, дэмждэг тогтсон уламжлалтай. Манайд ч нэр төдий нэг журам яригддаг. Тээр жил уралдаанд нь би оролцъё гэж санал өгсөнд сайд нь уралдаанаа цуцалчихсан удаатай. Монгол хүн, түүний үйл хэргийн эсрэг байж болноо, гэхдээ Монголын их заяа тавилангийн эсрэг төр засаг байж болохгүй ээ. Шинэ Сайд Л. Энх-Амгалан та тэр уралдаанаа эргэн санаж, дахин сэргээвэл миний бие 100 сая төгрөгийн шагналынх нь төлөө үгээ хэлмээр байна.
Тийнхүү миний бие 1997-2020 онд ШУ-ы эцсийн онол буюу онолын физикт урьдчилан нэрлэдгээр Супернэгдлийн онол (Superunification theory)-ыг нээж боловсруулсан маань олон улсын ШУ-д хүлээн зөвшөөрөгдөж амжлаа.
Надад уг онолоор өгүүлэл захиалахгүй ШУ-ы сэтгүүл олон улсад байхгүй болсон. Гай нь гэвэл, миний бие ганц, бас хүнд өвчтэй, ажлын чадвар алдсан шалтгаанаар тэр болгон хүсэлтийг биелүүлэх боломжгүй байна. Тиймээс намайг гишүүнээр урьж, 2021 онд юу дуртайгаа чөлөөтэй бичих эрхээр хангая гэсэн Advances in Theoretical and Computational Physics (Онолын ба Тооцооны Физикийн Дэвшил) сэтгүүлийг гол түншээрээ сонгоод ажиллаж байна.
ШУ-ы эцсийн онолыг монгол хүн нээж боловсруулсанд холбогдох заалтууд Монгол Улсын Үндэстэн хуульд тов тодорхой бий боловч төр, засаг түүнийг эргэж санах боломж байна уу, үгүй юү. Үүнээс хойш Монгол Улын эрхэм дээд үндэсний баялаг бол ШУ-ы эцсийн онолыг нээж боловсруулсан Монголын үндэсний анхдагч эрх (National priority) байх юм.
Энэхүү нээлт ололтоор Монгол Улс, үндэстний олон улсын рейтинг чинсаа 1-рт тавигдана. Өөрөөр хэлбэл, Чингисийн Монголын эрхшэээл, нөлөөг өнөөгийн монголчууд та бид давтан хэрэгжүүлж байгаа юм. Санааг нь авбаас бие нь хаа холдох (Хиад Боржигин Есүхэйн Тэмүчин-Чингис хаан). Ирээдүйн эзэнт гүрэн оюун санааны эзэнт гүрэн байх болно (Winston Leonard Spenser Churchill). Энэ тухайд миний дараахи номоор тодруулж үз.
Оюун санааны Монголын эзэнт гүрнээ байгуулах үү, болих уу? Төр түмний шийдэх асуудал.
Энэхүү бяцхан бичвэрийг бүр арга хэрэгслээр олон нийтэд түгээмэл хүргэхэд туслана уу. Удаа дараагийн мэс ажилбар, хүнд өвчний улмаас муу бичлээ. Сайдад хаягласан боловч олон нийтэд онц хүртээлтэй асуудал шүү.
Би хийдгээ хийчихсэн хүн. Гэтэл “Үхэж үл болно” гэсэн асуудал тулгарлаа. Юув гэвэл, эцсийн суурь үнэмлэхүй онол маань Нобелийн шагналыг физик, биологи, химийн гурван салбарт аваад илүү гарах нөөцтэй юм. Нобелийн шагналыг өөр өөр салбарт давтан авч болдог. Ганц шалгуур нь горилогч амьд мэнд байх ёстой. Яахав, химийг болье. Физик, биологид л найдвартай авъя. Бурханаас сонгогдсон жүүд үндэстэн бүх салбарын Нобелийн шагналын 25 хувийг дагнгаар хүртсэн байна. Энэ нь мөнхийн рекорд үзүүлэлт байх. Тэгтэл Дээр Тэнгэрээс заяат төрсөн Монгол Үндэстэн ШУ-ы эцсийн үнэмлэхүй математик онолоороо гол хоёр салбарт Нобелийн шагнал хүртэж, суут еврей үндэстний амжилтыг үгүйсгэх юм.
Тэнгэр мэдсэн хэрэг!
Улаанбаатар Хот 2021.05.28
XVII жарны "Цөөвөр" хэмээх төмөр цагаагчин үхэр жилийн
Зуны тэргүүн харагчин могой сарын
Шинийн 17-ны Улаан Хулгана өдөр
