www.superunified.org
Эрт урьдын цагт энэхэн Замбуу тивд үр жимсээр баялаг нэгэн сайхан саглагар мод байжээ. Тэрхүү модон дээр ерэн мянган шувууд үүр юугаан засаж өндөг юугаан дарж аз жаргалтай энэ сайхан модныхоо үр жимсээр хооллон элбэг дэлбэг сайхан амьдарч байлаа. Тэгсэн ч гэсэн сайхан саглагар мод тэд бүгдийг дааж үр жимсээр дутаагаагүй билээ. Гэтэл нэгэн өдөр ганц саарал оготоно тэр саглагар модны ёроолд газар ухан үүр засан амьдарахаар шийдэж гэнэ...
.
Сувьдаг оготны сэтгэл нэгэн нүхэн үүрээр ханасангүй,нүхэн үүрээ хэдэн арваар нь салаалуулан ухан, хэсэгхээн хугацаанд ерэн сая болтлоо өсөж үржлээ. Гэвч тэдгээр сувьдаг саарал оготнуудад идэх хоол нь хомсдож, сайхан саглагар модныхоо үндэснээс холтолон идэж гарчээ. Амьдралынх нь эх булаг болсон мод нь үндэсгүй болон он цагийн эрхэнд хувхайрсаар үр жимс үгүй болж юун түрүүн сувьдаг саарал оготнууд дараа нь ерэн мянган шувууд бас өөр очих газар үгүйн тул бултаараа өлбөрч үхэж гэнээ...
Үр жимсийг хүлээн байгаад боловсорч гүйцсэн хойно нь идвээс амттай байдаг бусуу?!...
